Noticias y alertas

O Concello cede ao centro de saúde un vehículo municipal con chofer para cubrir os domicilios dos sanitarios

30/03/2020

Desde hoxe, e ata a fin do Estado de Alarma declarado por mor da expansión do COVID-19, o Concello de Guitiriz cede un dos vehículos municipais ao centro de saúde para que poidan cubrir os domicilios dos sanitarios.

Agora mesmo o automóbil non ten ningún tipo de uso, xa que se empregaba para as necesidades do Centro de Día e dos seus usuarios e na actualidade este está pechado pola crise sanitaria que estamos a vivir.

Este servizo conta coa validación do Sergas xa que a alcaldesa de Guitiriz, Marisol Morandeira, púxose en contacto previamente coa Xerencia de Lugo para realizar o ofrecemento e coordinar conxuntamente a forma adecuada de poñelo en marcha.

Os sanitarios do centro de saúde poderán dispoñer así do vehículo e do seu chofer para acudir ás citas a domicilio que teñen que seguir prestando aos seus pacientes e para que as que estaban tendo que usar o seu vehículo particular.

A alcaldesa de Guitiriz, Marisol Morandeira, garante que nos traslados se aplicarán as máis estritas medidas de hixiene e prevención e explica que “é un xesto máis de axuda e de solidariedade cun colectivo como o dos sanitarios que, en momentos tan difíciles como os que estamos a vivir están a erixirse como o sostén de todo o país”.

Cerrar [X]Uso de cookies

Utilizamos cookies propias y de terceros para mejorar nuestros servicios y recopilar datos estadísticos sobre hábitos de navegación. El uso de cookies es necesario para la notificación de incidencias. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra Política de cookies