Noticias y alertas

Tanxugueiras, “estrelas” do cartel da VI edición da Festa da Torta de Guitiriz

28/03/2023


  • O grupo revelación da fusión musical galega pechará coa súa actuación o evento gastronómico, que este ano se celebrará a 4 de xuño.

  • A festa contará con degustacións e venda da torta, ademais de exposicións, obradoiros e actuacións dos grupos musicais do municipio.


Tanxugueiras, o grupo revelación da fusión da música tradicional galega, será a cabeza de cartel da VI edición da Festa da Torta de Guitiriz. As cantareiras actuarán no Campo da Feira o domingo 4 de xuño, ás 20:30 horas, para pechar o evento gastronómico que pon en valor o produto máis típico da localidade.


A Festa da Torta foi presentada esta mañá na Casa Habanera, nun acto que arrincou cunha actuación musical do alumnado da UNED Sénior. “A actuación estrela deste ano será a de Tanxugueiras, como fin de festa. Ademais participarán as agrupacións musicais do municipio. Penso que non hai mellor oportunidade que esta para poñer en valor o traballo que fan durante todo o ano”, destacou a alcaldesa, Marisol Morandeira, que conduciu o acto.


Ogallá veña moita xente a desfrutar da gastronomía, da nosa tradición e da música”, desexou Morandeira, que estivo acompañada da concelleira de Turismo, Pilar Vázquez. “Animo a todos os que queiran acudir que o fagan porque o vamos a pasar ben”, engadiu Vázquez.


A Festa da Torta de Millo contará, como vén sendo habitual, con música, exposicións e obradoiros, ademais da degustación e venda do postre. Por suposto, estarán os tres establecementos artesáns de Guitiriz que preparan a torta: Panadería David, Pastelería Gómez e Panadería La Esquina. A alcaldesa quixo destacar e agradecer a súa implicación, chave para sacar adiante unha nova edición da festa.


A medida que se achegue, desvelarase a programación completa dun evento que contará cun dispositivo de seguridade e de tráfico especial. Dentro deste plan, o Concello habilitará prazas de aparcadoiro para facilitar o acceso a un evento que regresou o pasado 2022 despois de dous anos de parón polo coronavirus.




O artigo Tanxugueiras, “estrelas” do cartel da VI edición da Festa da Torta de Guitiriz publicouse primeiro en Concello de Guitiriz.


Más Información

Cerrar [X]Uso de cookies

Utilizamos cookies propias y de terceros para mejorar nuestros servicios y recopilar datos estadísticos sobre hábitos de navegación. El uso de cookies es necesario para la notificación de incidencias. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra Política de cookies