Noticias e alertas

O xoves 24 de novembro terá lugar a presentación do plan para mellorar a implantación dos ODS en Guitiriz

19/11/2022


  • O acto terá lugar de 16:30 a 18 horas na Casa Habanera e para participar é necesario anotarse previamente.

  • Expoñerase un plan estratéxico con propostas para acadar os ODS.


O Concello de Guitiriz celebrará o próximo xoves, 24 de novembro, de 16:30 a 18 horas na Casa Habanera unha xornada para presentar o plan que permitirá mellorar a implantación dos Obxectivos de Desenvolvemento Sostible (ODS) no municipio.


O goberno local continúa así coa súa folla de ruta para lograr unha implantación exitosa da Axenda 2030 no municipio. Na primeira parte do fíxose unha análise do cumprimento dos ODS por parte do Concello e agora o obxectivo é elaborar un plan para mellorar nese sentido.


Así, na xornada do xoves presentarase ese plan estratéxico, que inclúe propostas para acadar os ODS, e avaliarase a nivel grupal para ver as súas posibilidades e a súa viabilidade.


O Concello está a invitar ao público en xeral e ao tecido asociativo do municipio. Para asistir é necesario anotarse previamente no enlace https://docs.google.com/forms/d/e/1FAIpQLSea8CX6VWVzl4pVhOHmgYWCSNWWC5HmLh_3eyTynmgAGLMHcQ/viewform ou a través do código QR do cartel.


O artigo O xoves 24 de novembro terá lugar a presentación do plan para mellorar a implantación dos ODS en Guitiriz publicouse primeiro en Concello de Guitiriz.


Máis información

Cerrar [X]Uso de cookies

Utilizamos cookies propias y de terceros para mejorar nuestros servicios y recopilar datos estadísticos sobre hábitos de navegación. El uso de cookies es necesario para la notificación de incidencias. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra Política de cookies