Aprazada a Ruta do Río Mera polo mal estado do percorrido e polas previsións climatolóxicas adversas

31/01/2025

O Concello de Guitiriz decidiu aprazar a Ruta do Río Mera en Lugo ata nova data polo mal estado do percorrido e polas previsións climatolóxicas adversas para a xornada deste domingo, 2 de febreiro.

Tras o temporal que azoutou Galicia a pasada semana, os camiños que compoñen esta andaina, na que se ían percorrer 12 quilómetros no Concello de Lugo pola contorna do río Mera e os bosques do Monte Segade, atópanse anegados, polo que son intransitables.

Ademais, e segundo as previsións climatolóxicas, é bastante probable que chova durante a mañá do domingo 2 de febreiro, que é cando estaba previsto que se celebrase esta andaina.

Por estes motivos, decidiuse pospoñer a Ruta do Río Mera ata unha nova data que será anunciada nas próximas semanas.

O artigo Aprazada a Ruta do Río Mera polo mal estado do percorrido e polas previsións climatolóxicas adversas publicouse primeiro en Concello de Guitiriz.