Novo prazo para cubrir as prazas vacantes no programa Concilia Vacacións 2025

02/07/2025

O Concello de Guitiriz abrirá o prazo para cubrir as prazas vacantes no programa Concilia Vacacións 2025 o próximo venres, 4 de xullo.

En total, quedan 20 prazas vacantes, 12 para a 3ª quenda do programa (do 1 ao 15 de agosto) e 8 para a 4ª quenda (do 16 ao 31 de agosto). Poderase anotar calquera crianza nacida entre o 2013 e o 2021, é dicir, toda a Educación Infantil e Primaria.

As inscricións estarán abertas ata o mércores 9 de xullo a través da Sede Electrónica ou de xeito presencial na Casa do Concello.

Toda a información sobre o Concilia Vacacións 2025 en:

https://concellodeguitiriz.com/o-venres-30-de-maio-abre-o-prazo-para-anotarse-ao-programa-de-conciliacion-de-veran-do-concello-de-guitiriz/

O artigo Novo prazo para cubrir as prazas vacantes no programa Concilia Vacacións 2025 publicouse primeiro en Concello de Guitiriz.