O Concello de Guitiriz celebrará o Día da Bici o domingo 7 de setembro

26/08/2025

O Concello de Guitiriz celebrará o próximo domingo 7 de setembro o Día da Bici, un evento organizado coa colaboración do club Btteiros Cova da Serpe. Constará dun percorrido de 9 quilómetros apto para todos os públicos, con saída programada ás 11:00 horas desde a Nave do Senpa. Unha vez remate a ruta, haberá uns pinchos para todos os participantes.

As inscricións son gratuítas e poderanse realizar en liña a través dun formulario web dispoñible escaneando o código QR do cartel. O prazo para inscribirse e poder participar estará aberto ata o próximo xoves, 4 de setembro.

O artigo O Concello de Guitiriz celebrará o Día da Bici o domingo 7 de setembro publicouse primeiro en Concello de Guitiriz.