Bando: O Campionato Galego de Tiro Olímpico F-Class celebrarase nas instalacións de Parga en marzo

03/03/2026

O Concello de Guitiriz informa de que, por medio do bando emitido no día de hoxe e asinado pola alcaldesa-presidenta, Marisol Morandeira , a Subdelegación do Goberno en Lugo concedeu á Federación Galega de Tiro Olímpico (FEGATO) a correspondente autorización. Esta permite o uso por parte de persoal civil das instalacións do Campamento Militar de Parga para albergar unha nova cita do calendario deportivo.

+3

En concreto, as instalacións acollerán o Campionato “Copa Galicia F-Class a 600 iardas e F-Class Produción media distancia a 300/600 iardas”. O evento deportivo está programado para desenvolverse durante a fin de semana do 13, 14 e 15 de marzo de 2026.

O Concello procede á publicación deste bando co obxectivo de darlle difusión xeral e que todos os veciños e veciñas do municipio estean informados desta actividade.

O artigo Bando: O Campionato Galego de Tiro Olímpico F-Class celebrarase nas instalacións de Parga en marzo publicouse primeiro en Concello de Guitiriz.