O Concello de Guitiriz abrirá en abril o prazo de matrícula para o curso 2026/27 da Escola Infantil

23/03/2026

O Concello de Guitiriz abrirá no próximo mes de abril o prazo de matrícula para o curso 2026/27 da Escola Infantil Municipal.

O período de renovación de praza para as crianzas xa matriculadas no presente curso 2025/2026 estará aberto do 1 ao 15 de abril. Pola súa banda, o prazo para a presentación de novas solicitudes desenvolverase entre o 16 e o 30 de abril.

A listaxe de persoas admitidas farase pública o vindeiro 5 de xuño. Posteriormente, abrirase o prazo para a aceptación de praza ou renuncia, que se prolongará ata o 30 de xuño. Este trámite deberá realizarse de xeito presencial.

As solicitudes poderán presentarse de xeito presencial na Casa do Concello, solicitando cita previa, ou ben a través da Sede Electrónica municipal. Para máis información, as persoas interesadas poden consultar a páxina web oficial do Concello de Guitiriz.

O artigo O Concello de Guitiriz abrirá en abril o prazo de matrícula para o curso 2026/27 da Escola Infantil publicouse primeiro en Concello de Guitiriz.