O Concello abre o prazo de matrícula no Curso de Cestería o martes 5 de novembro

04/11/2024

O Concello de Guitiriz abre o prazo de matrícula no Curso de Cestería 2024/25 o martes 5 de novembro. As inscricións estarán abertas ata o seguinte martes, 12 de novembro, e pódense formalizar de xeito presencial no Concello.

O curso celebrarase no soto da Escola Habanera ata o próximo mes de xuño e conta con prazas limitadas, tendo preferencia as persoas empadroadas no municipio.

As sesións están programadas para os xoves en horario de 17:00 a 19:00 horas, sendo a primeira o 14 de novembro.

O artigo O Concello abre o prazo de matrícula no Curso de Cestería o martes 5 de novembro publicouse primeiro en Concello de Guitiriz.