Este domingo 10 de novembro volve o programa ‘BTTeando por Guitiriz’ coa Ruta do Pantano de San Xoán

04/11/2024

Este domingo, 10 de novembro, volverá o programa ‘Btteando por Guitiriz’ cunha nova saída, a sétima da presente edición. Nesta ocasión realizarase a Ruta do Pantano de San Xoán, na que será a penúltima ruta desta sexta edición do programa organizado polo Concello de Guitiriz en colaboración co Club Btteiros Cova da Serpe.

O itinerario comezará ás 10:00 horas desde a Área Recreativa do Pantano de San Xoán, con chegada no mesmo punto. Como no resto de saídas, será apta para todos os públicos, cun percorrido de 20 quilómetros aproximadamente e de 300 metros de desnivel pola zona da Serra de Montouto e o Pantano de San Xoán.

As inscricións son gratuítas e estarán abertas ata este xoves, 7 de novembro. Pódense formalizar de xeito presencial no Concello de Guitiriz ou a través das redes sociais do Club Btteiros Cova da Serpe.

Para asistir é preciso apuntarse previamente e levar bicicleta propia, casco e roupa cómoda, aínda que tamén se recomenda levar unha peza de froita e auga para o camiño. Os menores de idade deben ir acompañados dunha persoa adulta.

Esta será a penúltima ruta da sexta edición do programa ‘Btteando por Guitiriz’, que concluirá o domingo 29 de decembro coa Ruta de Fin de Ano.

O artigo Este domingo 10 de novembro volve o programa ‘BTTeando por Guitiriz’ coa Ruta do Pantano de San Xoán publicouse primeiro en Concello de Guitiriz.