Curso de intelixencia artificial na Aula CeMIT

21/09/2023

A aula CeMIT de Guitiriz acolle o curso ‘A Intelixencia Artificial no día a día’, posto en marcha pola Axencia para a Modernización Tecnolóxica de Galicia, e que está dirixido especialmente a persoas maiores de 55 anos sen coñecementos previos en Intelixencia Artificial (IA).

A través deste curso farase unha introdución a conceptos básicos da Intelixencia Artificial mediante exemplos prácticos, e algunhas aplicacións da IA no día a día, co obxectivo de tratar as seguintes cuestións:

• Que é a Intelixencia Artificial?: introdución ao concepto de IA e presentación de exemplos prácticos.


• O día a día coas tecnoloxías intelixentes: presentación de aplicacións cotiás que empregan IA, vantaxes do emprego de IA no día a día, e a súa contribución á sociedade.


• A Intelixencia Artificial próxima: revisión de exemplos prácticos (predición de texto, tradutor instantáneo etc.).


• O futuro da Intelixencia Artificial: posibles aplicacións futuras, principios éticos e revisión dos avances na regulación.

Prazo de inscrición aberto

A actividade conta con prazas limitadas, e terá dúas quendas, o día 23 de  outubro e o 27 de novembro en horario de 11.00 horas a 12:30 horas. O prazo de inscrición estará aberto ata o 11 de outubro e realizarase a través da web https://cemit.xunta.gal/gl/centros/guitiriz ou ben enviando un correo electrónico a cemit.guitiriz@xunta.gal. Para máis información chamar ao teléfono 982.370.062 ou enviar un correo electrónico ao enderezo: cemit.guitiriz@xunta.gal

O artigo Curso de intelixencia artificial na Aula CeMIT publicouse primeiro en Concello de Guitiriz.