O Concello acondiciona unha nova zona verde de lecer infantil no Campo da Feira

07/11/2025

O Concello de Guitiriz vén de iniciar os traballos para crear unha nova zona verde de ocio dirixida aos máis pequenos no Campo da Feira, un proxecto que conta cun orzamento de 39.730 euros.

Para a execución desta actuación foi necesario cortar dous cipreses e un piñeiro, así como retirar varios arbustos. O proxecto consiste na retirada do pavimento actual e a súa substitución por un espazo verde acondicionado, pensado para o xogo e o desfrute da infancia.

Esta intervención enmárcase dentro dun convenio de colaboración coa Deputación de Lugo e corresponde á primeira fase dun proxecto máis amplo que busca ampliar o espazo de lecer infantil do Campo da Feira. Nunha segunda fase, o Concello prevé acometer a ampliación da área dedicada a parque infantil, completando así a mellora da zona.

O artigo O Concello acondiciona unha nova zona verde de lecer infantil no Campo da Feira publicouse primeiro en Concello de Guitiriz.