O programa ‘Guitiriz en Ruta’ volve este domingo, 26 de abril, coa Ruta do Río Requeixo

20/04/2026

O vindeiro domingo, 26 de abril, celebrarase a terceira saída da oitava edición do programa ‘Guitiriz en Ruta’, a proposta de sendeirismo posta en marcha polas Escolas Deportivas Municipais en colaboración co Concello de Guitiriz. Nesta ocasión, realizarase a Ruta do Río Requeixo.

A saída está programada a partir das 10:00 desde a Ponte de Roca, en Roca. Chegarase a O Merendeiro, na parroquia dos Vilares, en torno ás 14:00 horas. A andaina contará cun percorrido de aproximadamente 12 quilómetros de dificultade baixa.

As inscricións estarán abertas ata o venres, 24 de abril, ás 14:00 horas. Poderanse realizar na Casa do Concello, de xeito presencial, ou a través do teléfono 982 37 01 09. A andaina e gratuíta e aberta ao público en xeral, pero os menores de idade terán que ir acompañados dunha persoa adulta.

O artigo O programa ‘Guitiriz en Ruta’ volve este domingo, 26 de abril, coa Ruta do Río Requeixo publicouse primeiro en Concello de Guitiriz.